ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) -ꤊꤢꤩ꤬ꤒꤤ꤬- ꤢ꤬ꤕꤜꤢꤪ ꤛꤢꤩ꤭ꤗꤢ꤬ ꤢ꤬ꤗꤟꤢ ꤒꤟꤢꤧ꤬ꤚꤢꤩ꤬ ꤋꤢ꤭ꤜꤟꤢꤩ ꤘꤣ ꤢ꤬ꤗꤛꤢꤢꤩ꤬ꤘꤛꤢꤩꤘꤢꤦ꤬ ꤢ꤬ꤑꤢꤩ꤭ ꤗꤟꤢꤒꤥ꤬, ꤓꤛꤣ꤭ ꤕꤚꤟꤢꤧ꤬ꤘꤣ ꤢ꤬ꤞꤢꤧꤐꤟꤢꤦ ꤗꤟꤢꤩ꤬ꤡ꤉ꤟꤥ ꤒꤟꤢꤧ꤬ꤒꤢ꤬ꤟꤢꤩ꤬ ꤗꤟꤢꤩ꤬ꤜꤢꤨ꤭ ꤕꤟꤢꤩ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤛꤢꤩ꤭ꤚꤢꤪ ꤓ꤉ꤟꤥ꤭ꤓꤛꤢ꤬ꤙꤢꤧꤟꤢꤪ ꤒꤟꤢꤧ꤬ꤚꤢꤩ꤬ ꤢ꤬ꤕꤜꤢꤪ ꤒꤢ꤬ꤊꤟꤌꤣ꤬ ꤕꤚꤢꤧ꤯ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤗꤢ꤬ ꤢ꤬ꤗꤟꤢꤩ꤬ꤓꤢꤩ꤬ ꤕꤟꤢꤩ ꤊꤢ꤬ꤛꤢ꤭ꤜꤟꤤ꤬ ꤖꤢꤨ ꤔꤢ ꤗꤟꤛꤢ꤬ꤊꤟꤢꤩ ꤒꤢ꤬ꤊꤟꤢꤩꤜꤢꤧ꤭ ꤢ꤬ꤑꤢꤩ꤭ ꤒꤟꤢꤧ꤬ꤚꤢꤩ꤬ ꤕ꤉ꤟꤥꤒꤢ꤬ꤑꤢꤩ꤭ ꤒꤢ꤬ꤟꤢꤩ꤬ ꤚꤢꤪ ꤞꤢꤨ꤭ꤕꤢ꤬ꤏꤤ꤭ ꤥ꤬ꤜꤟꤛꤣ꤭ ꤕꤟꤢꤩꤟꤢꤪꤙꤤ ꤜꤤ꤬ꤕꤢ꤬ꤏꤤ꤭ ꤢ꤬ꤊꤢꤨ꤭, ꤤ꤭ꤗꤢꤩ꤭, ꤉ꤢꤧ꤫(ꤕ)ꤏꤣꤧ꤫ ꤔꤢ ꤚꤢꤩ꤬ꤘꤤ꤬ꤛꤥ꤬ ꤒꤢ꤬ꤟꤢꤩ꤬ ꤢ꤬ꤊꤢꤨ꤭ ꤔꤛꤣ꤬꤯

ꤕꤟꤢꤧ꤬ ꤊꤢꤩ꤬ꤒꤤ꤬ ꤢ꤬ꤕꤜꤢꤪꤢ꤬ꤗꤟꤢꤨ꤬ ꤗꤢ꤬ ꤢ꤬ꤥ꤬ꤔꤢꤘꤣ ꤓꤛꤢꤩ꤭ꤊꤟꤢꤩꤚꤢꤩ꤬ ꤢ꤬ꤕꤜꤢꤪ, ꤒꤟꤢꤧ꤬ꤕꤟꤢꤦꤏꤤꤜꤢꤨꤏꤤꤔꤛꤢ꤬ ꤢ꤬ꤕꤜꤢꤪ, ꤔꤢ ꤓꤛꤢꤩ꤭ꤊꤟꤢꤩꤋ꤉ꤤ ꤢ꤬ꤜꤢꤧ꤭ꤒꤥ꤬꤯ ꤓꤛꤣ꤭ ꤕꤟꤢꤧ꤬ ꤐꤟꤢꤦꤢꤩ꤬ ꤔꤢ ꤘꤛꤢꤩꤜꤟꤛꤣ꤭ꤓꤢꤩ꤬ꤕꤟꤢꤩ ꤒꤟꤢꤧ꤬ꤚꤢꤩ꤬ ꤘꤣ ꤢ꤬ꤒꤥ꤭, ꤢ꤬ꤡꤢꤪꤢ꤬ꤒꤢꤩ꤬, ꤢ꤬ꤚꤢ꤬ꤘꤢꤦ꤭ ꤔꤢ ꤢ꤬ꤕꤢ꤬ꤊꤟꤌꤣ꤭ꤢꤨ꤭ ꤒꤢ꤬ꤋꤥꤒꤥ꤬ ꤒꤢ꤬ꤟꤢꤩ꤬ ꤚꤢꤪ ꤞꤢꤧꤐꤟꤢꤦ ꤘꤛꤢꤏꤥ꤬ꤕꤟꤢꤩ ꤢ꤬ꤓꤢꤦ꤭ꤢ꤬ꤘꤢꤪ ꤒꤢ꤬ꤟꤢꤩ꤬ ꤓꤛꤣ꤭ ꤞꤢꤧꤐꤟꤢꤦ ꤗꤟꤢꤩ꤬ꤘꤢꤨ꤬ꤓꤛꤢ꤬ ꤘꤤ꤬ꤗꤥ꤬ꤊꤢ꤬ꤚꤢꤩ꤬ꤎꤤ꤬ ꤢ꤬ꤑꤢꤩ꤭ ꤕꤚꤢꤧ꤯

ꤖꤢꤨ ꤢ꤬ꤓ꤉ꤟꤥ꤭ ꤒꤟꤢꤧ꤬ꤗꤛꤢꤢꤩ꤬ꤘꤢꤦ꤬ ꤒꤟꤢꤧ꤭ ꤢ꤬ꤕꤜꤢꤪ ꤗꤟꤢꤒꤥ꤬ ꤔꤛꤣ꤬ ꤢ꤬ꤋꤥ꤭, ꤒꤟꤢꤧ꤬ꤗꤟꤢꤩꤩ꤬ꤡ꤉ꤟꤥ ꤔꤟꤤꤙꤢꤧ꤬ꤘꤣ ꤕꤚꤟꤢꤧ꤬ꤞꤢꤧꤐꤟꤢꤦ ꤗꤟꤢꤩ꤬ꤡ꤉ꤟꤥ ꤔꤛꤣ꤬ꤒꤢ꤬ꤊꤜꤢꤪ ꤢ꤬ꤥ꤬ꤔꤛꤣ꤬ꤗꤢ꤬ ꤢ꤬ꤘꤢꤨ꤬ꤢ꤬ꤐꤢ꤭ ꤕꤟꤢꤩ ꤑꤢ꤬ꤡꤢꤪ ꤘꤣ ꤕꤟꤢꤧ꤬ ꤑꤢꤩ꤭꤯

ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤛꤢꤩ꤭ ꤢ꤬ꤊꤢꤦꤚꤟꤢꤩ ꤥ꤬ꤕꤜꤢꤩ꤬ꤟꤛꤢ꤭ ꤙꤢꤧ ꤢ꤬ꤑꤢꤩ꤭ ꤢ꤬ꤜꤥ꤬ꤙꤢꤧ꤬ ꤑꤢ꤬ꤡꤢꤪ ꤒꤟꤢꤧ꤬ꤗꤟꤢꤩ꤬ꤡ꤉ꤟꤥ꤯ ꤢꤨ꤭ꤕꤢꤩ꤭ ꤒꤢ꤬ꤕꤚꤟꤢꤧ꤬ ꤞꤢꤧꤐꤟꤢꤦ ꤗꤟꤢꤩ꤬ꤡ꤉ꤟꤥ ꤗꤢ꤬ ꤢ꤬ꤔꤟꤤ꤯ ꤚꤢꤪ ꤗꤟꤢꤩ꤬ꤡ꤉ꤟꤥ ꤙꤢꤒꤢꤩ꤭ ꤔꤛꤣ꤬ꤗꤢ꤬ ꤟꤢꤩꤒꤥ꤬, ꤡꤟꤢꤨꤞꤢꤧꤕꤜꤢꤪ꤬ꤥ꤬ ꤗꤟꤢꤩ꤬ꤡ꤉ꤟꤥ ꤗꤢ꤬ ꤢ꤬ꤔꤟꤤ꤯ ꤕꤟꤢꤧ꤬ ꤐꤟꤢꤦꤢꤩ꤬ ꤘꤣ ꤕꤚꤟꤢꤧ꤬ꤘꤣ ꤢ꤬ꤗꤟꤢꤩ꤬ꤡ꤉ꤟꤥ ꤕꤟꤢꤧ꤬ ꤔꤛꤣ꤬ ꤒꤢ꤬ꤊꤜꤢꤪꤗꤢ꤬ ꤢ꤬ꤞꤛꤢꤊꤟꤌꤣ꤭ꤟꤢꤪ ꤔꤢ ꤢ꤬ꤞꤢꤧꤐꤟꤢꤦ ꤗꤟꤢꤩ꤬ꤓꤢꤩ꤬ꤜꤟꤛꤣ꤭ꤢꤧ ꤊꤢ꤬ꤛꤢ꤭ꤜꤟꤤ꤬ ꤊꤟꤢꤩ ꤒꤟꤢꤧ꤬ꤚꤢꤩ꤬ꤒꤟꤢꤧ꤬ꤊꤛꤢ꤭ ꤓꤛꤣ꤭ ꤗꤟꤢꤩ꤬ꤘꤢꤨ꤬ꤓꤛꤢ꤬ ꤕꤜꤢꤩ꤬ꤟꤛꤢ꤭ꤕꤟꤥꤟꤢꤪ ꤘꤤ꤬ꤗꤥ꤬ꤊꤢ꤬ꤚꤢꤩ꤬ꤎꤤ꤬ ꤢ꤬ꤑꤢꤩ꤭ ꤔꤛꤣ꤬ꤕꤚꤢꤧ꤯

ꤕꤚꤟꤢꤧ꤬ꤘꤣ ꤢ꤬ꤞꤢꤧꤐꤟꤢꤦ ꤗꤟꤢꤩ꤬ꤡ꤉ꤟꤥ ꤥ꤬ꤜꤢ꤬ꤊꤥ꤭ ꤟꤢꤩꤗꤢ꤬ ꤕꤜꤥ꤭ꤓꤢꤦ꤭ ꤘꤣ This e-mail address is being protected from spambots. You need JavaScript enabled to view it ꤔꤛꤣ꤬꤯

ꤒꤥ꤭ꤗꤢ ꤕꤟꤢꤩꤊꤟꤌꤣ꤭ꤔꤢ ꤕꤟꤢꤧ꤬ ꤙꤢꤩ꤬ꤐꤟꤢꤦ ꤙꤢꤩ꤬ꤑꤟꤢ ꤕꤟꤢꤩꤊꤟꤌꤣ꤭ꤘꤢꤦ꤬ ꤔꤟꤢꤧ꤬ ꤒꤟꤢꤧ꤬ꤚꤢꤩ꤬ꤒꤟꤢꤧ꤬ꤊꤛꤢ꤭ ꤘꤣ ꤞꤢꤧꤐꤟꤢꤦ ꤘꤣ꤬ꤜꤟꤛꤣ꤭ ꤒꤥ꤬ ꤒꤢ꤬ꤟꤢꤩ꤬ꤕꤢ꤭꤯ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤘꤣ ꤢ꤬ꤔꤟꤤꤙꤢꤧ꤬ ꤒꤟꤢꤧ꤬ꤗꤟꤢꤩ꤬ꤡ꤉ꤟꤥ ꤢ꤬ꤚꤢꤩ꤬ꤢ꤬ꤊꤛꤢ꤭ ꤒꤢ꤬ꤊꤜꤢꤪ ꤗꤢ꤬ ꤢ꤬ꤘꤛꤢꤏꤥ꤬ ꤜꤟꤛꤣ꤭ ꤡꤛꤣꤕꤜꤢꤩ꤬ꤟꤛꤢ꤭ ꤕꤟꤢꤩꤔꤢꤘꤣ ꤢꤨ꤭ꤚꤟꤛꤣ꤬ ꤥ꤬ꤒꤥ꤬ ꤔꤛꤣ꤬ꤕꤚꤢꤧ꤯

ꤟꤢꤩꤙ꤉ꤤ ꤒꤢ꤬ꤚꤛꤢꤩ꤭ ꤔꤟꤢꤧ꤬ ꤒꤟꤢꤧ꤬ꤗꤟꤢꤩ꤬ꤡ꤉ꤟꤥ ꤔꤢ ꤒꤟꤢꤧ꤬ꤘꤛꤢꤩꤟꤢꤧ꤭ ꤘꤛꤢꤩꤚꤢꤩ꤬ ꤔꤛꤣ꤬ꤕꤚꤢꤧ꤯

ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤢ꤬ꤕꤜꤢꤪ