ꤊꤢ꤬ꤛꤢ꤭ꤜꤟꤤ꤬ ꤗꤛꤢꤩ꤭ꤞꤛꤢꤖꤢꤨ ꤞꤤ꤭ ꤕ꤉ꤟꤥ꤭ꤔꤢ꤬ ꤕ꤉ꤟꤥ꤭ꤜꤢꤧ꤭ ꤕ꤉ꤟꤥ꤭ꤘꤢꤪ꤭ ꤕ꤉ꤟꤥ꤭ꤏꤥ꤬ ꤗꤟꤢꤩ꤬ꤘꤛꤢꤩ ꤢꤧꤘꤟꤌꤣ꤬ ꤕꤟꤢꤪ꤬ꤗꤟꤤ꤬ (ꤘꤤ꤭ꤊꤢꤨ꤬) ꤕ꤉ꤢꤧ꤬ ꤔꤛꤣ꤬ ꤛꤢꤩ꤭ꤒꤣ꤬ꤔꤢ꤬ ꤛꤢꤩ꤭ꤒꤢ꤬ꤔꤢ꤬ ꤢ꤬ꤗꤟꤢꤩ꤬ꤊꤟꤌꤣ꤭ꤘꤢꤦ꤬ ꤘꤤ꤭ꤊꤢꤨ꤬ ꤕ꤉ꤢꤧ꤬ꤘꤢꤨ꤬ ꤕꤜꤢꤪꤡꤢꤦ꤭ ꤙꤤ ꤊꤢ꤬ꤛꤢ꤭ꤜꤟꤤ꤬ꤊꤟꤢꤩ ꤘꤤ꤭ꤗꤟꤢꤪꤏꤥ꤬ꤠꤟꤤ꤭ ꤠꤟꤤ꤭ꤟꤥ꤭ ꤔꤛꤣ꤬꤯
ꤗꤟꤛꤢ꤬ꤊꤟꤢꤩ ꤗꤛꤢꤩ꤭ꤡꤣ꤬ꤖꤢꤨ ꤕꤚꤟꤢꤧ꤬ꤙꤢꤧ꤬ꤕꤟꤛꤢꤏꤢꤧ꤭ꤖꤢꤨ ꤒꤢ꤬ꤟꤢꤩ꤬ ꤋꤥ꤭ꤑꤟꤢ ꤢꤧ꤬ꤞꤤ꤭ ꤟꤛꤢ꤭ ꤟꤢꤦ꤬ꤥ꤬ꤘꤛꤢꤩ ꤋꤢ꤭ꤜꤟꤢꤩ ꤙꤤ ꤕꤚꤟꤢꤩꤛ꤉ꤤ꤬ ꤊꤟꤢꤩꤊꤢꤨ꤭ ꤔꤛꤣ꤬ ꤥ꤬ꤟꤛꤢ꤭ꤑꤢꤩ꤭ ꤒꤢ꤬ꤡꤟꤢꤨ꤬ꤕꤚꤟꤢꤧ꤬ꤕꤢ꤭ ꤢ꤬ꤔꤟꤤꤒꤥ꤬ ꤔꤛꤣ꤬ꤗꤢ꤬ ꤢꤧ꤬ꤞꤤ꤭ ꤞꤢꤧꤑꤢꤩ꤭ ꤒꤟꤢ꤭ꤕꤜꤢꤨꤊꤟꤌꤣ꤭ ꤜꤢ꤬ꤟꤛꤢ꤭ꤘꤢꤦ꤬꤯ ꤢꤧ꤬ꤞꤤ꤭ ꤒꤟꤢꤧ꤬ꤗꤛꤢꤏꤢꤦ꤭ ꤥ꤬ꤊꤟꤌꤣ꤭ ꤜꤢ꤬ꤟꤛꤢ꤭ꤘꤢꤦ꤬ ꤘꤣ ꤒꤢ꤬ꤑꤢꤩ꤭ ꤋꤢꤧ꤭ꤕꤢ꤭ ꤓꤛꤢꤩ꤭ꤊꤟꤢꤩ ꤒꤟꤢꤧ꤬ꤙꤢꤧ꤬ꤙꤢꤦ꤬ꤜꤢ꤭ ꤥ꤬ꤓꤛꤢ꤬ꤕꤢ꤭ ꤚꤢꤪ ꤊꤤ꤬ ꤊꤟꤢ꤬ꤥ꤬ꤋꤛꤢꤩ꤭ꤞꤛꤢ ꤘꤢꤦ꤬ꤘꤣ ꤢꤧ꤬ꤞꤤ꤭ꤘꤢꤪ꤭ ꤢꤧ꤬ꤞꤤ꤭ꤏꤥ꤬, ꤢꤧ꤬ꤞꤤ꤭ꤓꤛꤢꤩ꤭ ꤢꤧ꤬ꤞꤤ꤭ꤊꤟꤢꤩ ꤖꤢꤨꤔꤛꤣ꤬꤯
ꤞꤎꤢꤪ꤬ꤘꤢꤨ꤬ꤞꤎꤢꤪ꤬ꤕꤚꤢꤨ꤭ ꤗꤟꤤ꤬ꤊꤜꤢꤧ꤭ ꤒꤢ꤬ꤟꤢꤩ꤬ ꤥ꤬ꤒꤢ꤬ꤠꤟꤢ꤬ꤜꤟꤢꤪ꤭ ꤓꤛꤣ꤭ ꤙꤤ ꤞꤎꤢꤪ꤬ꤒꤢ꤬ꤟꤢꤩ꤬ ꤢ꤬ꤢꤟꤣ꤬ꤜꤢꤧ꤭ ꤢ꤬ꤕꤜꤢꤩ꤬ ꤇ ꤕꤜꤢꤧ ꤒꤢ꤬ꤠꤤ꤭ꤒꤢ꤬ꤠꤢ꤬ ꤔꤛꤣ꤬ ꤟꤤ꤬ꤚꤟꤛꤢꤖꤢꤨ ꤒꤢ꤬ꤟꤢꤩ꤬ ꤢ꤬ꤏꤢꤪꤥ꤬ ꤘꤢꤚꤢ ꤋꤛꤢꤩ꤭ꤘꤢꤦ꤬ꤜꤢꤨ꤭꤯ ꤟꤤ꤬ꤖꤢꤨꤥ꤬ ꤢ꤬ꤗꤢꤩ꤭ ꤄꤀ ꤜꤣꤓꤛꤣ꤭ ꤟꤤ꤬ꤖꤢꤨ ꤛꤢꤩ꤭ꤒꤢ꤬ꤟꤢꤩ꤬ꤗꤢ꤬ ꤢ꤬ꤏꤢꤪꤓꤛꤢ꤬ ꤊꤟꤌꤣꤚꤟꤢꤩꤕꤚꤢꤧ ꤖꤢꤨꤔꤛꤣ꤬꤯
-
ꤓꤛꤢꤩ꤭ꤊꤟꤢꤩꤋ꤉ꤤ ꤓꤛꤢ꤬ꤞꤢꤧ꤭ ꤛꤢꤩ꤭ ꤊꤢ꤬ꤛꤢ꤭ꤜꤟꤤ꤬ ꤜꤤ꤬ꤜꤟꤢꤧ꤬ ꤊꤢꤦꤚꤟꤢꤩ ꤓꤢꤨ꤬ꤜꤟꤛꤢ꤬ ꤒꤢ꤬ꤊꤜꤛꤢ꤬ꤜꤟꤢꤪ꤭ ꤕꤢ꤭ꤟꤟꤢꤧ꤭ ,,,
ꤕꤟꤥ꤬ꤓꤢꤩ꤬ ꤔꤟꤤꤊꤟꤌꤣ꤭ꤘꤢꤦ꤬ꤟꤢꤪ ꤊꤢ꤬ꤛꤢ꤭ꤜꤟꤤ꤬ ꤜꤤ꤬ꤜꤟꤢꤧ꤬ ꤜꤤ꤬ꤕꤜꤢꤪ꤬ꤗꤟꤌꤣ ꤛꤢꤩ꤭ ꤙꤢꤧ꤬ꤚꤤ꤬ ꤗꤟꤛꤢ꤬ꤜꤟꤢꤪ꤬ ꤓꤛꤢꤩ꤭ꤊꤟꤢꤩꤋ꤉ꤤ ꤋꤢꤨ꤬ ꤓꤛꤢ꤬ꤞꤢꤧ꤭ ꤋꤥ꤭ꤑꤟꤢꤛꤢꤩ꤭ꤔꤛꤣ꤬ ꤢ꤬ꤡꤟꤢꤨ꤭ꤢꤩ꤬ ꤊꤟꤌꤣ꤭ꤔꤢ ꤒꤥ꤬꤯ ꤞꤢꤚꤢꤘꤢꤨ꤬ ꤓꤢꤧ꤭ꤙꤢꤨ꤭ꤖꤢꤧ꤭ ꤕꤟꤥ꤬ꤓꤢꤩ꤬ ꤜꤤ꤬ꤕꤜꤢꤪ꤬ꤗꤟꤌꤣ ꤙꤤ ꤢ꤬ꤔꤢ꤬ ꤁꤉꤅꤈ ꤔꤢ꤬ ꤔꤛꤣ꤬ ꤚꤢꤪ ꤗꤟꤛꤢ꤬ꤜꤟꤢꤪ꤬ꤋ꤉ꤤ ꤗ-ꤏ-ꤜ, ꤔ-꤉-ꤒ, ꤔ-ꤢ-ꤖ ꤊꤢ꤬ꤘꤢ꤭ꤊꤢꤨ꤭ ꤗꤟꤢꤩ꤬ꤒꤟꤢ꤭ꤒꤟꤢꤦ꤭ (ꤘꤛꤢꤩꤔꤢꤪ꤭ꤢꤩ꤬ꤒꤥ꤬) ꤒꤟꤛꤣ ꤋꤥ꤭ꤑꤟꤢ꤯
Read more... -
ꤜꤟꤛꤢ꤭ꤋꤛꤢꤩ꤭ꤖꤢꤨ ꤒꤢ꤬ꤟꤢꤩ꤬ ꤢ꤬ꤕꤚꤟꤢꤧ꤬ꤜꤟꤢꤨ꤬ꤗꤛꤢꤩ꤭ ꤞꤢꤧꤕꤜꤢꤪ꤬
ꤜꤟꤥꤡꤢꤧꤘꤢꤨ꤬ꤘꤣ ꤢ꤬ꤘꤛꤢ꤬ꤊꤢ꤬ꤛꤢ꤭ ꤙꤤ ꤞꤤꤚꤤꤘꤢꤪ꤭ ꤟꤛꤢ꤭ꤘꤣ ꤛꤢ꤭ꤊꤢꤨ꤭ꤊꤟꤢꤩ ꤔꤛꤣ꤬ꤒꤢ꤬ꤋꤢꤨ꤬ ꤗꤢ꤬ ꤢ꤬ꤡꤢꤓꤢꤩ꤬ꤡꤛꤣ ꤙꤤ ꤗꤟꤢꤪꤜꤤ꤭ ꤔ꤉ꤥꤗꤢꤦ꤭ ꤢ꤬ꤋꤢꤧ꤭ꤔꤛꤣ꤬꤯ ꤚꤢꤪ ꤢ꤬ꤡꤛꤣꤒꤟꤛꤣꤟꤢꤪ ꤙꤤ ꤕꤚꤟꤢꤩꤔꤥ ꤔꤢ ꤊꤢ꤬ꤛꤢ꤭ꤜꤟꤤ꤬ꤊꤟꤢꤩꤊꤢꤦ꤭ ꤖꤢꤧ꤬ꤋꤥ꤭ ꤠꤟꤤ꤭ ꤔꤛꤣ꤬ꤢ꤬ꤋꤢꤧ꤭ ꤗꤢ꤬ ꤜꤟꤥꤡꤢꤧꤛꤢꤩ꤭ ꤢ꤬ꤥ꤬ꤊꤟꤌꤣ ꤊꤟꤌꤣꤚꤟꤢꤩꤕꤟꤢꤩ ꤘꤣ ꤕꤚꤟꤢꤧ꤬ꤏꤤ꤬ꤘꤛꤢ ꤒꤢ꤬ꤟꤢꤩ꤬ ꤜꤟꤢꤩ ꤊꤢ꤬ꤒꤟꤢ꤭ꤢꤩ꤬ ꤊꤟꤌꤣꤚꤟꤢꤩ ꤏꤢꤧ꤬ꤢꤩ꤬ ꤔꤢ ꤡꤛꤣꤊꤟꤌꤣꤊꤛꤢ꤭ ꤘꤣ ꤢ꤬ꤖ꤉ꤤ꤭ꤔꤢ ꤢ꤬ꤓꤛꤣ꤬ꤔꤛꤣ꤬꤯
Read more...
ꤗꤟꤛꤢ꤬ꤊꤟꤢꤩꤋ꤉ꤤ ꤟꤛꤢ꤭ꤗꤟꤢꤩ꤬ꤓꤛꤢ꤬ ꤚꤛꤢ ꤜꤟꤥꤡꤢꤧꤊꤜꤛꤢ ꤘꤣ ꤘꤤ꤭ꤗꤟꤢꤪꤏꤥ꤬ ꤓꤛꤢꤩ꤭ꤢꤪ꤬ ꤋꤢꤪ꤬ꤋꤢꤨ꤬(ꤍ꤉ꤢꤩ꤬ꤘꤢꤪ꤬ꤏꤢꤧ꤬ ꤒꤢ꤬ꤙꤢꤪ꤬)
ꤊꤢ꤬ꤛꤢ꤭ꤜꤟꤤ꤬ꤊꤟꤢꤩ ꤘꤤ꤭ꤗꤟꤢꤪꤏꤥ꤬ꤠꤟꤤ꤭ꤗꤣ꤭ ꤊꤢꤨ꤭ ꤜꤟꤥꤡꤢꤧ ꤊꤜꤛꤢ ꤘꤣ (ꤍ꤉ꤢꤩ꤬ꤘꤢꤪ꤬ꤏꤢꤧ꤬) ꤓꤛꤢꤩ꤭ꤋꤢꤪ꤬ꤋꤢꤨ꤬ꤛꤢꤩ꤭ ꤢ꤬ꤕꤛꤢꤩꤢ꤬ꤊꤛꤢ꤭ ꤟꤢꤪꤚꤢꤪ ꤗꤟꤛꤢ꤬ꤊꤟꤢꤩꤋ꤉ꤤ ꤕꤚꤟꤢꤧ꤬ꤤ꤬ꤏꤢꤪꤒꤟꤢꤧ꤬ ꤢ꤬ꤕꤜꤢꤪꤢ꤬ꤗꤟꤢꤨ꤬ ꤟꤛꤢ꤭ꤗꤟꤢꤩ꤬ꤚꤛꤢ ꤕꤟꤢꤩꤟꤢꤪ ꤔꤛꤣ꤬ꤗꤢ꤬ ꤞꤢꤧꤑꤢꤩ꤭ꤔꤟꤤ ꤘꤢꤦ꤬ꤒꤟꤢꤧ꤬ꤚꤢꤩ꤬ ꤖꤢꤨꤔꤛꤣ꤬꤯
ꤋꤢ꤭ꤜꤟꤢꤩ ꤘꤣ ꤗꤟꤛꤢ꤬ꤊꤜꤛꤢꤩ꤭ ꤖꤛꤢꤩꤖꤢꤩ꤬ꤊꤛꤢ꤭ ꤛꤢꤩ꤭ ꤔꤛꤣ꤬ ꤍꤟꤥꤡꤤꤒꤟꤢ꤭ ꤔꤢ ꤙꤢꤧ꤬ ꤊꤢꤧꤘ꤉ꤟꤥ ꤖꤛꤢꤩꤘ꤉ꤟꤥ ꤜꤟꤢꤧꤊꤛꤢ꤭ ꤟꤢꤩꤘꤢꤦ꤬
ꤞꤢꤧꤑꤢꤩ꤭ ꤔꤟꤤ ꤒꤟꤢꤧ꤬ꤚꤢꤩ꤬ ꤔꤢ ꤘꤣ ꤊꤢ꤬ꤛꤢ꤭ꤜꤟꤤ꤬ ꤊꤟꤢꤩꤊꤢꤨ꤭ ꤙꤤ ꤖꤚꤢꤨ꤬ꤏꤥ꤬ꤠꤟꤤ꤭ꤗꤣ꤭ꤊꤢꤨ꤭ ꤔꤛꤣ꤬ ꤟꤢꤩ꤬ꤋꤢꤨ꤬ꤋꤢ꤭ꤜꤟꤢꤩ ꤘꤣ ꤗꤟꤛꤢ꤬ꤊꤜꤛꤢꤩ꤭ ꤚꤟꤢꤩꤟꤢꤪ꤭ꤕꤜꤢꤪ ꤛꤢꤩ꤭ ꤢꤧ꤬ꤞꤤ꤭ ꤘꤛꤢ꤬ꤒꤟꤢ꤭ ꤍꤟꤥꤡꤤ ꤔꤢ ꤙꤢꤧ꤬ꤊꤢꤧꤘ꤉ꤟꤥꤜꤟꤢꤧ, ꤖꤛꤢꤩꤘ꤉ꤟꤥꤕꤚꤟꤛꤢ꤭ ꤊꤛꤢ꤭ ꤙꤟꤌꤣ ꤔꤢ ꤤ꤬ꤞꤎ꤉ꤤꤘꤢꤪ꤭ꤙꤛꤢ꤭ꤜꤢꤧ꤬ ꤒꤢ꤬ꤟꤢꤩ꤬ ꤟꤢꤩꤘꤢꤦ꤬꤯
ꤒꤟꤢꤧ꤬ꤕꤟꤢꤩ꤭ꤘ꤉ꤟꤥ꤭ ꤢ꤬ꤑꤢꤩ꤭ ꤊꤢꤩ꤬ꤢꤧ꤬ꤕꤤ꤬ꤕꤤ꤬ ꤒꤢ꤬ꤊꤛꤢꤩ꤭ ꤕꤜꤢꤪꤓꤛꤢ꤬ ꤢ꤬ꤕꤜꤢꤪ ꤢ꤬ꤗꤟꤢꤨ꤬ ꤥ꤬ꤒꤥ꤬ ꤗꤢ꤬ꤔꤢ ꤟꤢꤩꤙꤢꤧ꤬ꤗꤢ꤬ ꤢ꤬ꤔꤟꤤ ꤟꤢꤩꤘꤢꤦ꤬
ꤊꤢꤩ꤬ꤢꤧ꤬ꤕꤤ꤬ꤕꤤ꤬ ꤟꤢꤩꤘꤢꤦ꤬ ꤔꤢ ꤜꤟꤢꤩꤟꤢꤩꤙꤢꤧ꤬ ꤒꤟꤢꤧ꤬ꤕꤢꤩ꤭ꤘ꤉ꤟꤥ꤭ ꤢ꤬ꤑꤢꤩ꤭ ꤗꤟꤛꤢ꤬ꤊꤟꤢꤩꤋ꤉ꤤ ꤢꤨꤒꤢꤩ꤭ꤎꤢꤩ꤬ ꤔꤢ ꤕꤚꤟꤢꤧ꤬ꤕꤟꤢꤦ ꤏꤤꤜꤢꤨꤏꤤꤔꤟꤛꤢ꤬ ꤢ꤬ꤕꤜꤢꤪ ꤢ꤬ꤕꤜꤢꤧ꤬ꤊꤢꤨ꤭ ꤖꤛꤢꤩꤒꤟꤢꤧ꤬ꤏꤢꤥ꤬ꤊꤟꤌꤣ ꤓꤛꤣ꤭ꤚꤢꤪ ꤟꤢꤩꤙꤢꤧ꤬ ꤔꤢ ꤓꤛꤢꤩ꤭ꤊꤟꤢꤩꤚꤢꤩ꤬ ꤗꤢ꤬ ꤥ꤬ꤒꤢ꤬ꤚꤤ꤬ꤔꤢꤩ꤬ ꤘꤢꤦ꤬ꤟꤢꤪ ꤟꤢꤩꤘꤢꤦ꤬꤯
